એફોર્ડેબલ હાઉસિંગ સેકટરમાં ડિમાન્ડ- સપ્લાયની ચેઇન ખોરવાશે -

કેન્દ્રીય બજેટ ૨૦૨૬ માં એફોર્ડબલ હાઉસિંગ ક્ષેત્ર અંગે કોઈ જાહેરાત નહીં

ડેવલોપરો હવે લકઝરીયસ અને કોમર્શિયલ પ્રોજેક્ટનો રૂખ અપનાવશે, પરિણામે એફોર્ડબેલ હાઉસિંગની અછત વર્તાશે

મધ્યમવર્ગને શહેરથી દૂરના વિસ્તારમાં મકાનની પસંદગી કરવી પડશે અથવા ભાડે રહેવાની ફરજ પડશે

કેન્દ્રીય બજેટ ૨૦૨૬ માં રિયલ એસ્ટેટ ક્ષેત્ર માટે કેટલીક નોંધનીય બાબતો રહી છે. આ વખતના બજેટમાં એફોર્ડેબલ હાઉસિંગ અંગે કોઇ ખાસ જાહેરાત કરવામાં આવી નથી. જેના લીધે ભવિષ્યમાં ડેવલોપરો એફોર્ડેબલ હાઉસિંગ પ્રોજકેટમાં રસ ન દાખવે અને લકઝરીયસ અને કોમર્શિયલ પ્રોજેક્ટનો રૂખ અપનાવશે તે બાબત સમજી શકાય તેવી છે.જેના લીધે હાલમાં જે એફોર્ડેબલ હાઉસિંગ પ્રોજેકટ છે તેની ડિમાન્ડમાં વધારો થશે. જયારે આગામી દિવસોમાં સપ્યાલ ન રહેતા ડિમાન્ડ અને સપ્યાલની ચેઇન ખોરવાઇ તેવી ભીતિ સેવાઇ રહી છે.જોકે, એસોસિએશને સરકારના માળખાગત સુવિધાઓના નિર્માણ પર ધ્યાન કેન્દ્રિત કરવાનું સ્વાગત કર્યું, જેનાથી ભારતીય મિલકત ક્ષેત્રને ફાયદો થશે.

રિયલ્ટર્સની સર્વોચ્ચ સંસ્થા ક્રેડાઇએ બજેટને લઇ નિરાશા વ્યક્ત કરતા કહ્યું કે, કેન્દ્રીય બજેટમાં પરવડે તેવા મકાનોની માંગ અને પુરવઠાને વધારવા માટે કોઈ પ્રોત્સાહન આપવામાં આવ્યું નથી. દેશભરના લગભગ ૧૫,૦૦૦ રિયલ એસ્ટેટ ડેવલપરનું પ્રતિનિધિત્વ કરતી ક્રેડાઇએે ચેતવણી આપી હતી કે, નવા ઘરોના એકંદર લોન્ચમાં પરવડે તેવા મકાનોનો હિસ્સો વધુ ઘટશે.

બજેટ પર ટિપ્પણી કરતા,ક્રેડાઇના રાષ્ટ્રીય પ્રમુખ શેખર પટેલે જણાવ્યું હતું કે એસોસિએશન ખૂબ જ નિરાશ છે કે બજેટમાં પરવડે તેવા મકાનો માટે કંઈ નક્કર માહિતી નથી. પરવડે તેવા મકાનોની વર્તમાન જૂની વ્યાખ્યા સાથે, તેમણે કહ્યું કે પરવડે તેવા મકાનો સેગમેન્ટનો હિસ્સો કુલ મકાન પુરવઠાના ૧૮ થી લગભગ ૧૨ સુધી ઘટી શકે છે. આ ભારતના નીચલા મધ્યમ વર્ગ અને મધ્યમ વર્ગ માટે એક ગંભીર ચેતવણી સંકેત છે. ક્રેડાઇ માને છે કે પરવડે તેવા આવાસ એ કલ્યાણકારી યોજના નથી – તે આર્થિક માળખાગત સુવિધા છે. તે રોજગાર, વપરાશ અને સામાજિક સ્થિરતાનું મુખ્ય ચાલક છે, તેમણે નિર્દેશ કર્યો કે, અનુરૂપ નીતિગત સમર્થન વિના, બાંધકામ ખર્ચ અને જમીનના ભાવમાં વધારો, વિકાસકર્તાઓને આ ક્ષેત્રથી દૂર ધકેલી રહ્યો છે.
જો પરવડે તેવા આવાસનો પુરવઠો નબળો પડતો રહે છે, તો તેના પરિણામો સ્પષ્ટ છે: વધુ ભાડા, લાંબા પ્રવાસ અને અનૌપચારિક આવાસનો વિકાસ. આ બાબતને ધ્યાને લેતા સરકાર એફોર્ડેબલ હાઉસિંગ ક્ષેત્ર અંગે કોઇ નક્કર અને રાહતલક્ષી નિર્ણય લે તેવી વિનંતી રિયલ્ટર્સ કરી રહ્યા છે.

એસોસિએશને સરકારના માળખાગત ખર્ચ પર સતત ધ્યાન કેન્દ્રિત કરવાની પ્રશંસા કરી, જે રિયલ એસ્ટેટ ક્ષેત્ર માટે એક મોટી સકારાત્મક બાબત છે.હાઇવે, મેટ્રો, લોજિસ્ટિક્સ કોરિડોર, રેલ્વે અને શહેરી માળખાગત સુવિધાઓમાં રોકાણ કનેક્ટિવિટીમાં સુધારો કરશે, નવા વિકાસ કોરિડોર ખોલશે અને લાંબા ગાળાના શહેરી વિકાસને ટેકો આપશે,
ઝડપી મંજૂરીઓ, સરળ પ્રક્રિયાઓ અને વધુ ડિજિટાઇઝેશન પ્રોજેક્ટ સમયરેખા અને હોલ્ડિંગ ખર્ચમાં નોંધપાત્ર ઘટાડો કરી શકે છે, જે આખરે ડેવલપર્સ અને ઘર ખરીદનારા બંનેને ફાયદો કરાવે છે.

ક્રડોઇ દ્રારા જે ચિંતા વ્યકત કરવામાં આવી છે તે બાબત ગંભીર છે આવનાર સમયમાં એર્ફોડેબલ હાઉસિંગ તરફ બિલ્ડરો અને ડેવલોપરો ઉદાસીનતા દાખવશે તો પુરવઠામાં અછત સ્પષ્ટપણે વર્તાશે જેના પરિણામસ્વરૂપ મધ્યમ વર્ગ માટે મકાન ખરીદવું મુશ્કેલ બની જશે. મધ્યમવર્ગને શહેરથી દુરના વિસ્તાર પર પસંદગી ઉતારવી પડશે અથવા તો તેઓને ભાડાના મકાનમાં રહેવાની ફરજ પડી શકે.