બજેટ 2026નું સરવૈયું : રાજકોટના રિયલ એસ્ટેટ માર્કેટમાં તેજીના નવા સંકેત -

રોકાણકારો માટે હવે કયા વિસ્તારો શ્રેષ્ઠ?

આ વખતે ગાંધીનગરમાં જે થયું તે માત્ર એક બજેટ નહોતું, પણ આવનારા ભવિષ્યનો દસ્તાવેજ હતો. એક તરફ દિલ્હીથી નિર્મલા સીતારમણજીએ ટિયર-2 શહેરો માટે તિજોરી ખોલી, અને બીજી તરફ આપણા કનુભાઈ દેસાઈએ ‘વિકસિત ગુજરાત’ના રોડમેપ સાથે ઈન્ફ્રાસ્ટ્રક્ચરને જબરદસ્ત બૂસ્ટર ડોઝ આપ્યો છે. કેન્દ્ર અને રાજ્ય સરકારની આ નીતિઓનો સૌથી મોટો અને સીધો ફાયદો સૌરાષ્ટ્રના પાટનગર-આપણા રાજકોટને મળવાનો છે! આ ‘ડબલ બોનાન્ઝા’ છે. જે રોકાણકાર આજે આ ગ્રોથનું ગણિત સમજી જશે, તે આવતીકાલે દુનિયા કરતા બે ડગલાં આગળ હશે.

રિયલ એસ્ટેટનો સીધો નિયમ છે-જ્યાં રસ્તો અને કનેક્ટિવિટી પહોંચે, ત્યાં વિકાસ પહોંચે જ. હિરાસર એરપોર્ટ અને હાઈવે ડેવલપમેન્ટના કારણે રાજકોટની હદ હવે વિસ્તરી ગઈ છે. જે લોકો લાંબા ગાળાનું વિચારે છે, તેમના માટે આ વિસ્તારો ’હોટ ફેવરિટ’ છે.

પ્રેક્ટિકલ વાત: ઇન્ડસ્ટ્રીયલ અને લોજીસ્ટીક ગ્રોથ માટે હિરાસર તરફનો ઝુકાવ વધ્યો છે. અહીં AERO Industrial Park જેવા પ્રોજેકટ્સ લોકેશનનો પૂરો લાભ આપી રહ્યા છે. ભવિષ્યમાં આ વિસ્તારમાં જ સૌથી વધુ મુવમેન્ટ રહેવાની છે.

બજેટમાં TP સ્કીમ્સ અને રિંગ રોડના વિકાસ પર ભાર મૂકવામાં આવ્યો છે. શહેર જ્યારે મોટું થાય ત્યારે જે લોકો આઘું જોઈ શકતા હોય, તેઓ જ કમાય છે. વિકસતા વિસ્તારોમાં આજે લીધેલો પ્લોટ કાલે સોનાની લગડી બની શકે છે.

પ્રેક્ટિકલ વાત: રોકાણ માટે અત્યારે ‘નારણકા’ જેવી સાઈટ પર નજર દોડાવવી જોઈએ. રિંગ રોડ-3 અને એજ્યુકેશન ઝોનની નજીક હોવાથી, અહીં ભાવ વધવાની શક્યતાઓ સૌથી વધુ છે. આ એક ગણતરીપૂર્વકનું રોકાણ કહી શકાય.

લોકોની આવક વધી છે અને સાથે અપેક્ષાઓ પણ. હવે લોકોને માત્ર રહેવા માટે છત નથી જોઈતી, પણ સુખ-સુવિધાઓ જોઈએ છે. એટલે જ સાદા એપાર્ટમેન્ટ કરતા સારા લોકેશન અને સુવિધાવાળા પ્રોજેકટ્સની માંગ નીકળી છે.

પ્રેક્ટિકલ વાત: જો તમે રહેવા માટે ઘર શોધતા હોવ, તો ‘શારદા સ્પર્શ’ એક ઉત્તમ ઉદાહરણ છે. AIIMS રોડ પરનું લોકેશન અને 3 લિફ્ટ જેવી સુવિધાઓ-આ બધું તમારા જીવનધોરણને ઊંચું લાવે છે. આજના સમયમાં આવું ઘર હોવું એ એક જરૂરિયાત બની ગઈ છે.

રાજકોટ સૌરાષ્ટ્રનું વ્યાપારી પાટનગર છે. નવી કંપનીઓ અને બ્રાન્ડ્સ શહેરમાં આવી રહી છે, ત્યારે મેઈન રોડ પરની કોમર્શિયલ પ્રોપર્ટીનું મહત્વ વધ્યું છે. ભાડાની સારી આવક માટે આ સેગમેન્ટ બેસ્ટ છે.

પ્રેક્ટિકલ વાત: ધંધો વધારવો હોય તો એડ્રેસ પણ દમદાર જોઈએ. 150 ફૂટ રિંગ રોડ પર આવેલું ‘The Capital’ અત્યારે બિઝનેસ માટે પ્રાઈમ ચોઈસ છે. અહીં તમારી ઓફિસ હોવી એ તમારા ક્લાઈન્ટ પર સારો પ્રભાવ પાડે છે.