ગુજરાતની સૌથી ઊંચી કોમર્શિયલ બિલ્ડિંગ બનશે અમદાવાદમાં

અમદાવાદમાં 150 મીટર ઊંચી કોમર્શિયલ બિલ્ડિંગ બનશે : અમદાવાદમાં ગગનચુંબી ઇમારતોનો વધતો ટ્રેન્ડ

અમદાવાદમાં ગગનચુંબી ઇમારતોની સંખ્યા સતત વધી રહી છે, ખાસ કરીને એસજી રોડ અને તેની આસપાસના વિસ્તારોમાં. હવે શહેરમાં 150 મીટર ઊંચી નવી કોમર્શિયલ બિલ્ડિંગ ગોતામાં, નિરમા યુનિવર્સિટી સામે બનાવવાની યોજના છે.

આ નવી બિલ્ડિંગમાં 45થી વધુ માળ હશે અને તે હાલની સૌથી ઊંચી 147 મીટર (43 માળ) ઊંચી ઇમારતને પાછળ છોડી દેશે. રાજ્ય સરકારની ખાસ ટેકનિકલ સમિતિ સમક્ષ આ દરખાસ્ત મંજૂરી માટે રજુ કરાઈ છે. મંજૂરી મળ્યા બાદ, આ ઇમારત અમદાવાદના શહેરી વિકાસ માટે એક મહત્વપૂર્ણ સિદ્ધિ બનશે.

latest issue sampatti times real estate newsapaper

અમદાવાદમાં ગગનચુંબી ઇમારતોનો વધતો ટ્રેન્ડ
અમદાવાદ શહેર ગુજરાતમાં ઊંચી ઇમારતો માટે આગેવાની લઈ રહ્યું છે. અમદાવાદ મ્યુનિસિપલ કોર્પોરેશન (AMC) એ અત્યાર સુધીમાં 100 મીટરથી વધુ ઊંચાઈ ધરાવતી 23 ઇમારતોને મંજૂરી આપી છે, જેમાં 18 રહેણાંક અને 5 કોમર્શિયલ બિલ્ડિંગ્સનો સમાવેશ થાય છે. આ ઉપરાંત, અમદાવાદ અર્બન ડેવલપમેન્ટ ઓથોરિટી (AUDA) દ્વારા 6 ગગનચુંબી ઇમારતોને મંજૂરી મળી છે, જ્યારે 5 પ્રોજેક્ટ હજુ પણ મંજૂરી પ્રક્રિયામાં છે.

2014માં ગુજરાત સરકાર દ્વારા Comprehensive General Development Control Regulations (CGDCR) લાવવામાં આવ્યા હતા, જેના કારણે ઉંચી ઇમારતો માટે મંજૂરીની શક્યતાઓ વધતી ગઈ. આ નિયમો મુજબ, આશ્રમ રોડ માટે FSI 5.4 અને મેટ્રો-બીઆરટીએસ રૂટની આજુબાજુ 200 મીટર વિસ્તારમાં FSI 4 નક્કી કરવામાં આવ્યો છે.

100 મીટરથી ઊંચી ઇમારતો માટે સહેલાઈ
2017 અને 2018માં CGDCRમાં થયેલા સુધારાઓ પછી, અમદાવાદમાં ઉંચી ઇમારતો માટેની મંજૂરીની સંખ્યા વધી છે. 30 મીટરથી વિશાળ રસ્તાઓ પર હવે FSI 3.5 થી 4 સુધી વધારવામાં આવ્યું છે, જેનાથી 100 મીટરથી ઉંચી બિલ્ડિંગ માટેનો માર્ગ સરળ બન્યો છે.

2021થી, રાજ્ય સરકારે અમદાવાદ, સુરત, રાજકોટ, વડોદરા અને ગાંધીનગર જેવા મોટા શહેરોમાં 100 મીટરથી વધુ ઊંચી ઇમારતો માટે મંજૂરી આપવાનું શરૂ કર્યું છે. સપ્ટેમ્બર 2024 સુધીમાં, સરકારી માહિતી અનુસાર, સુરત અને ગાંધીનગરમાં 100 મીટરથી વધુ ઊંચી બે બિલ્ડિંગ અને વડોદરામાં એક બિલ્ડિંગ મંજૂર કરવામાં આવી છે.

આ વધતા ગગનચુંબી વિકાસ સાથે, અમદાવાદ ગુજરાતના શહેરી વિકાસનું કેન્દ્ર બનતું જઈ રહ્યું છે.